Atli Kristins óritskoðaður

2007-09-23T13:33:00.000Z

Nýr vinur!

Youtube er alger snilld. Ég fann mér nýjan og skemmtileganm vin á netinu fyrir algera tilviljun.
Ég er ekki viss hvort að hann sé heill á geði en það er það skemmtilega við það.
Hér er slóð á eitt myndbandið: http://www.youtube.com/watch?v=0ruJZCnMyPY
Svo er annar sem er öllu frægari en líka rosalega skemmtilegur.
Hann heitir Chris Chrocker og er góður vinur Brittney Spears. Endilega tékkið á honum líka.

2007-05-08T10:20:00.000Z

Tilefni til bloggskrifa!
Já gott fólk maður er nú ekki búinn að skrifa oft hér en það hefur þó gerst þegar tilefni er til.
Nú er aldeilis tilefni því í dag skilaði ég seinasta verkefni mínu í Kennó og er því óformlega búinn með kennarann!
Ég er búinn að rembast í gegnum heila B.Ed. ritgerð sem er alveg einstaklega leiðinlegt ferli sama hvað námsþyrstir eldriborgarar segja. Maður er einfaldlega búinn að fá nóg eftir um 20 ára skólagöngu.
Það er samt margt sem maður á eftir að sakna við skólan en það er aðalega það að hanga í matsalnum og spjalla frekar en mæta í tíma og læra.
Nóg um það. Veturinn loksins búinn og sumarið að koma.
Ég er búinn að finna stuttbuxurnar í fataskápnum og sólgleraugun. Nú er bara að bíða eftir að hitinn fari yfir 10 gráðurnar.
Best að enda þetta á mynd af flottustu frændunum. Maður er strax farin að kenna.

2007-03-26T18:58:00.000Z

Með eitthvað í auganu

Ótrúlegt hve samrýmd við tvíburasystkinin erum. Komum með svo keimlíkar færslur.

2007-02-06T20:22:00.000Z

Liverpoolferðin hin fyrsta
Nú er maður kominn úr hressilegri ferð til Liverpoolborgar sem var einstaklega vel heppnuð í alla staði. Það eina sem hugsanlega vantaði uppá var mark í leikinn og þá helst frá Liverpool mönnum. Við svekktum okkur ekkert of lengi á því enda var stefnan frá upphafi að halda gleðinni gangandi hvað sem kæmi upp.
Það sem stóð einna helst uppúr í ferðinni verða þó að teljast sætin sem við fengum, því hefðum við verið einhverju nær vellinum hefðum við verið dæmdir rangstæðir!
Persónulega fannst mér þó best þegar ég var á leið inn á leikvanginn og við hlið mér stóð maður sem við höfðum verið að tala um aðeins andartaki áður. Það er einn þekktasti stuðningsmaður Liverpool hann Pete Sampara. Ég vatt mér að honum og spurði hvort ekki væri í lagi að smell eins og einni ljósmynd af kappanum. Úr varð þessi er prýðir þessa síðu.
Kannski maður sendi jólakort í ár.
Svo fyrir strákana sem voru með mér í ferðinni. Hér eru slóðir að myndböndunum sem ég tók upp á meðan á liverpoollaginu stóð:
http://www.youtube.com/watch?v=yncB5CyIXFM
http://www.youtube.com/watch?v=NzrxApmzctY
Klárlega myndalegustu mennirnir á Anfield þennan dag!

2007-02-01T09:46:00.000Z

Who the fuck are Man utd.!!
Er á leiðinni á Anfield á morgun því á laugardaginn er leikur Liverpool og Everton.
Þar hefur Þór bróðir reddað mér og nokkrum frændum og vinum úr Hólminum snilldar sætum. Við erum að tala um fremstu röð á svæði nr. 107 í Kop stúkunni!
Fyrir þá sem ekki vita þá er Kop stúkan fyrir heimamenn og túristar venjulega hafðir annarstaðar. Þetta gerist því ekki betra. Ef einhver prumpar inná vellinum komum við til með að finna lyktin! Við verðum það nálægt!

2007-01-10T15:36:00.000Z

Finnst eins og ég eigi að vera að gera eitthvað!
Guðný byrjuð að vinna alla daga og skólinn eiginlega byrjaður hjá mér en samt ekki.
Á að vera að vinna að lokaverkefni þessa viku en kemst ekki lengra nema funda með kennara og það er e-ð að dragast.
Þetta lokaverkefnis rugl er maður búinn að mikla svo fyrir sér. Alltaf heyrt um að í lok háskólanáms skrifar maður svaka ritgerð sem sumir verða geðveikir af að gera.
Svo eru þetta skitnar 3 einingar hjá okkur upp í kennó.
Ég sit því heima og bora í nefið og hugsa á ég ekki að vera að gera e-ð?
Þetta er örugglega tilfinningin sem rithöfundar fá þegar þeir vita að jólin nálgast og þeir eru ekki byrjaðir á bókinni sem endar í því að þeir skrifa e-ð drasl eins og "Draugar vilja ekki dósagos".
Það er samt ekki eins og einhver þurfi að kaupa ritgerðina mína.
Ég geri bara betur á morgun.

2007-01-03T20:08:00.000Z

Nýtt ár, ný færsla
Ég ákvað svona í tilefni ársins þá væri fínt að skella inn eins og einni færslu.
Ég nenni ekki að gera svona uppgjör þannig að þið verðið að leyta annað til að svala þorsta ykkar í samantektir.
Fyrir þá sem ekki vita þá er þetta stórmerkilegur dagur. Ég og systir mín erum nefnilega 25 ára í dag. Ég hef nú verið að reyna að sleppa við allt húllumhæ í kringum þetta en úr varð ein lítil fjölskyldumáltíð.
Það kom nú eitt fræbært úr því öllu og það var gjöfin sem ég fékk.
Maður er víst á leiðinni á leik!
Liverpool-Everton 3. Febrúar!!!!!!!!!
Alveg hreynt magnað! Gerist ekki betra.
Meira var það ekki. Þurfti bara aðeins að monta mig.

2006-09-19T23:20:00.000Z

Orðið hálf skammarlegt
Þurfti að skella nokkrum línum inn því þetta er orðið hálf skammarlegt.
Skólinn á fullu og allt það.
Vill bara koma því til Sigurjóns NYC-búa að ég er búinn að mála blokkina og því hef ég lausan tíma til að skrifa þessi orð.
Þar sem ég hef klárað þessa blokk ætla ég að bjóða fram krafta mína.
Ég verð laus í lok maí 2007 sem fullmenntaður grunnskólakennari eða Grunnskólakennslufræðingur eins og ég vill kalla það. Hljómar meira við hæfi.
Held að það eina sem vanti til að fá hærri laun er að skella -fræðinginum fyrir aftan.
Sjáum hvernig það fer.

2006-07-28T21:27:00.000Z

Af vinnandi manni
Ég sá fyrir mér gott sumar í sól upp í lyftu utan á blokk en í staðinn þarf ég að fara lengst upp í Grafarholt í rigningu og vinna inni við að slípa veggi og sprauta málningu. Um leið og maður kláraði eina íbúð þá beið önnur. Blokkin sem ég var að vinna í kláraðist samt í vikunni en hvað þá...
labbað yfir í blokkina hliðiná og byrjað á henni jibbíí!!!
Annars hefur maður verið að flakka aðeins um helgar og svo sparka í bolta. Okkur gengur nokkuð vel í boltanum en mér tókst að brjóta á mér puttan í seinasta leik sem var þó ekkert það slæmt og hamlar manni ekki í vinnuni.
Það sem maður horfir núna til er ferð á LISTEN ráðstefnu í Þrándheimi í Noregi með skólanum strax eftir versló sem þýðir að það er bara ein vika í 9 daga frí hjá mér!
Svo er sumarið bara búið eftir það. Þetta nær náttúrulega engri átt!

2006-06-12T21:35:00.000Z

Lottótölur
Var að kíkja á síðu vinar míns hans Sigurjóns sem segir þar lottósögu.
Þá rifjaðist upp fyrir mér þegar ég ungur í pössun hjá ömmu og afa á Hól og mamma og pabbi voru í heimsókn hjá einhverjum í Hólminum.
Við vorum örugglega ekki eldri en 10 ára og okkur var falið það verkefni, ásamt ömmu og afa, að punkta niður lottótölurnar og athuga hvort við hefðum unnið.
Við höfðum aldrei fengið að gera þetta áður og vorum mjög spennt og vildum standa okkur vel.
Við skráðum tölurnar niður samviskusamlega og svo þegar við fórum yfir miðann þá ætluðum við að ærast. Þær voru þarna allar!
Ég kallaði á afa og ömmu og þau fóru yfir þetta og viti menn ég taldi rétt.
Við rukum í símann og hringdum í mömmu og pabba til að færa þeim tíðindin og þau ærðust af spenningi.
Þau ruku beint úr veislunni og voru búin að ráðstafa stórum hluta vinningsins áður en þau komu heim. Kaupa bíl, útanlandsferð.
Gleðin rann fljót af þeim þegar þau sáu miðann og að ég hafði merkt við tölurnar um allar trissur.
Mér var ekki treyst fyrir lottótölunum aftur.

2006-05-22T21:47:00.000Z

Ái!
Var að klára fyrsta vinnudag sumarsins og ég var að vona að það myndi byrja á rólegu nótum en það var að sjálfsögðu ekki.
Það þýðir að ég var að pússa veggi og loft í allan dag. Kannski svipað og að skúra nema upp í loft og í staðin fyrir að draga úr skítnum þá var ég að auka hann.
Er því með svakalegar harðsperrur og blöðrur en búinn að snýta úr mér allt rykið.
Gleðilegt sumar eða hvað?

2006-05-10T17:03:00.000Z

Nú er maður byrjaður að læra fyrir seinna prófið sem er Rúmfræði.
Það er þó margt annað sem maður er með hugan við og aðaleg þá sumarið.
Ég er búinn að ákveða að slá bróðir mínum út í grillöfgum og reyna að grilla minnst þrisvar í viku.
Örn var með yfirlýsingar seinasta vor sem ég held að hann hafi enganvegin staðið við.
En á þessum bænum er grillun tekin alvarlega og var grillað í gær og svo er græjan að hitna í þessum töluðu orðum.
Það er bara svo miklu skemmtilegra að standa við grillið en inn í eldhúsinu og svo skiptir varla máli hvað maður gerir við matinn hann er alltaf góður grillaður!
Verst hvað sumarið er stutt, kannski maður grilli bara fram að jólum í ár. Það er ekkert sem segir að það megi ekki. Þetta er eins og þær kjánalegu reglur að drekka bara jólaöl á jólunum og borða bara páskaegg um páskanna! Það er fáránlegt! Ef eitthvað er gott þá á ekki bara að borða það einu sinni á ári og éta svo hafragraut og skyr restina af árinu.
Þá segir alltaf einhver "Þetta er svo gott af því að maður fær þetta svo sjaldan. Að borða það oftar myndi skemma tilfinninguna og gleðina" BULL!
Ég ætla að fara að gera uppreisn gegn svona rugli og í haust þegar snjórinn byrjar að falla ætla ég að standa við grillið og sötra malt og appelsín.
Næstu páska ætla ég svo að kaupa kassa af páskaeggjum og gæða mér á því í sólbaði um sumarið.
Hafiði það!

2006-05-04T11:08:00.000Z

Ég var að spá í hvort ég væri einn um það að...
Þegar ég er að keyra sem er ekki það oft og einhver er með mér í bílnum og við erum að tala mikið saman eða þá að ég er að segja frá einhverju og svo púff...maður er allt í einu kominn á leiðarenda.
Það er ekkert slæmt að þetta líði hratt en það sem verra er þá man ég næstum ekkert eftir ferðinni og hvernig ég kom okkur þangað.
Þá er ég ekki að meina að ég sé alveg tómur og muni alls ekkert heldur svona líður þetta hjá án þess að ég taki eftir neinu. Ég bara keyri án þess að hugsa!
Oft þá hugsa ég eftirá...sjit djöfull var ég heppinn að lenda ekki í neinu.
Um daginn sótti ég m & p á flugvöllinn og í bakaleiðinni þá voru þau að segja mér frá ferðinni og ég að segja þeim hvað gerðist í Róm og allt í einu vorum við komin heim! 45 mín. horfnar!
Kannski er bara fínt að ég sé á strætó.

2006-05-02T16:18:00.000Z

Það ættu að vera próf oftar því maður kemur svo mörgu í verk sem maður hefur alltaf ætlað sér að gera en aldrei haft tími fyrir.
Sem dæmi má nefna þá þrifum við húsið að utan í gær. Sápuðum gluggana og smúluðum allt höllina. Nú sést út um gluggana og við getum ekki slitið okkur frá þeim.
Nú þarf ætla ég að fara að horfa á Dr. Phil og gera meira annað en að læra.

2006-04-24T22:12:00.000Z

Kominn heim í kuldann.
Kom heim með eitthvað leiðindar kvef og er enn með hellur frá því í fluginu.
Nenni ekki að segja neitt þannig að ég ætla að gera tvennt:
Sýna ykkur hvað gerist þegar maður hefur of mikinn tíma og ekkert að gera. Í þetta skipti var það á Stansted.

Jájá gaman að þessu.
Svo vill ég benda fólki á úrvals lag sem kætir og bætir.
Það er eftir Brynjar Má Rappara/DJ sem er einna frægastur fyrir glæsilega framistöðu í forkeppni Evróvisionkeppninar með sving/rapp lagið 100% eða e-ð álíka. Frábær blanda. Svipað og mæjones með harðfiski eða kók með kókosbollum.
Slóðinni er stolið af bloggsíðu Sigurjóns félaga míns sem kann að meta svona tónlist.
Lagið Your Beautifull í íslenskri þýðingu

2006-04-18T17:54:00.000Z

When in Rome...
Þá er farið að styttast í heimferðina. Það er ekki búið að vera eins mikil sól seinust tvo daga en samt 20 gráðu hiti. Á morgun á þó að vera mikil sól og yfir 25 gráður. Þá er stefnan tekin niður á strönd eða í vatnsleikjagarð.
Við erum búin að flakka mikið um borgina á bíl, strætó, metro og gangandi. Í dag fórum við í dýragarðinn og þar var mikið fjör. Ljónið öskrandi og flóðhestranir að slást.

Svo var einn asni í stuði. Hér er mynd af tólinu hans sem hann var að viðra.

Eftir svona sjón varð maður að fá sér ís.

Svo varð maður auðvitað að skoða allar rústirnar og hér er ég á hinum upprunalega Appia antica sem er 2000 ára gamall vegur sem Rómverjar lögðu niður eftir allri Ítalíu.

Það er munur að hafa alla þessa þræla.
Spurning um að lögleiða þrælahald heima og klára að malbika allan hringveginn og vestfirðina í leiðinni.

2006-04-15T16:52:00.000Z

Mt. Everest hvað!?
Í dag var farið í stóran almenningsgarð í Róm með vatni í miðjuni og einhverjum brjáluðum fossum sem runnu ofan í það og gosbrunnar út um allt.
Rétt þegar við vorum að komast þangað þá varð á vegi okkar götumarkaður. Æj æj. Þar misstum við Guðnýju í svona einn og hálfan tíma og sópaði hún að sér alskyns dýrgripum. Ég hinsvegar keypti mér forlátar stuttbuxur sem kostuðu 180 kr. og spókaði mig um í þeim einum fata í garðinum eins og sannur fölbleikur Íslendingur. Eftir smá sólbað var farið á hjólabát og þar sem nær engir túristar eru komnir í borgina vorum við ein á vatninu að spóla í kringum gosbrunna.
Síðan hófst alvaran. Eftir smá ís átti að fara að finna einhverja verslunarmiðstöð. Eftir 3 tíma, nokkrar lestarferðir og örugglega 20 km göngu í steikjandi sólinni gáfumst við upp og fórum heim.
Bara fyrir þá sem eru að fara að ferðast. Verið með kortaBÓK ekki svona kort sem flettist út. Að standa eins og hálfviti með risastórt kort sem þrír þurfa að halda er ekki kúl og bíður upp á bögg frá vasaþjófum og betlurum.
Best að fara að grilla ódýrt eðalkjöt og drekka ódýrt vín og safna kröftum.
Á morgun er nefnilega stærsti útimarkaður Evrópu og þar þarf ég mikla þolinmæði því Guðný er búin að bíða eftir þessu síðan fyrir tveimur árum þegar við voru hérna seinast.
Og fyrir þá sem voru að spá hve heitt það er þá er klukkan sjö og sólin að setjast og mælirinn sýnir 21.3 gráður.

2006-04-14T18:57:00.000Z

Sólin er að steikja mig trallalalala...
Já hér er nú blessuð blíðan.
Búið að vera um og yfir 20 gráður síðan við komum og sólgleraugun varla tekin niður nema rétt til að leggja höfuðið á koddann.
Við erum að bralla ýmislegt. Rölta um miðbæinn, fara á götumarkaði og borða ís.
Á morgun er stefnan sett niður á strönd svona til tilbreytingar.
Annars var ég vitni af tveimur skemmtilegum hlutum í fyrsta skipti.
Það fyrra var á flugvellinum á Stansted á meðan við biðum eftir fluginu til Rómar. Þá settist einhver róni við hliðina á mér í sólinni við stórann glugga. Sólin var nokkuð sterk og á gólfinu lá stór súkkulaðibiti sem var hálf bráðnaður. Ég renndi hýru auga til bitans enda páskaeggjarveikin farin að kvelja mann. Ég leit þó undan í andartak og þá var róninn búinn að ræna bitanum af gólfinu fyrir framan mig og sat þarna og sleikti puttana. Helvítis þjófurinn!
Svona núna áðan var ég einn að versla í matinn í matvörubúð hér í bæ.
Ég var í miðju kafi við að finna e-ð ætilegt þegar mjög Ítölsk miðaldra kona í pels og með svaka sólgleraugu varð á vegi mínum á einum ganginum. Hún brosti til mín og ég brosti og þóttist ekki ætla að troða mér framhjá. Fannst það soldið dónalegt. Ákvað bara að bíða og þóttist skoða í hillunni. Hún rölti af stað og ég á eftir en allt í einu byrjar jörðin að nötra. Mafíufrúin hafði rekið kröfuglega við beint á saklausan Íslendinginn fyrir aftan sig. Mér brá en ég lét sem ekkert væri og reyndi að hlæja ekki en hvað gerir hún þá! Hún prumpar aftur og aftur og aftur! Hún bremsaði bara þarna eftir ganginum hjá ólivolíunum hátt og greinilega eins og ekkert væri sjálfsagðara!
Þá tók ég á sprett fyrir hornið og hláturinn glumdi um búðina. Ég hló á íslensku þannig að hún skildi örugglega ekkert.
Já það er margt sem kemur á óvart í Rómarborg.
Kv. Atlius Sólbleikus

2006-04-05T18:20:00.000Z

Ef einhver á auka síðarnærbuxur þá má alveg henda þeim inn um lúguna hjá mér.
Þetta er nú samt að birta til hjá manni.
Er á leiðinni til Rómar þann 12. og þar er sko hitinn kominn í rúmar 20 gráður yfir daginn.

Þarna er Hannes, bróðir Guðnýjar, fyrir framan Coloseum að láta aflífa sig.
Spurning um að sækja um starf sem rómverskur riddari í sumar. Hanga fyrir utan Coloseum með strákúst á hausnum og aflífa túrista.

2006-04-01T14:33:00.000Z

Stórfrétt!
Haldið að við skötuhjúin höfum ekki keypt okkur íbúð!
Fundum þessa frábæru íbúð að Ránargötu 42 (ris)og ákváðum að skella okkur á hana. Hún var laus um leið og erum við því í sólinni að mála og laga hitt og þetta.
Þar sem við erum í sumarskapi á þessum sólríka degi þá er öllum boðið að koma við og kíkja á herlegheitin og fá jafnvel hjá okkur kaffi eða kók í plastglasi í nýja eldhúsinu okkar.

2006-03-30T19:11:00.000Z

Hvað er að gerast! Er ég kominn með alvarlegan augnsjúkdóm!

Eða bara nýjustu Nike MaxSight linsurnar sem eru sérhannaðar fyrir íþróttaiðkun.
Fæst í Plúsmínus Optic á Suðurlandsbraut hjá öðlingunum Örvari og Frigga.

2006-03-28T17:28:00.000Z

Afmælisbarn dagsins er Kristinn Breiðfjörð Þórsson!!!!!
Þessi hvíthærði víkingur er 8 ára í dag.
Hann fær afmæliskveðjur frá Atla frænda og Guðnýju á Íslandi sem fá piltinn í heimsókn um þar næstu helgi.
Þá verður glatt á hjalla.

2006-03-24T19:05:00.000Z

Þá er maður loksins búinn með æfingakennsluna.
Þetta voru tvær nokkuð strembnar vikur en þó lærdómsríkar.
Get ekki sagt að það freisti mín mikið að kenna þessum aldri(3.bekkur) en það er aldrei að vita.
Nú tekur venjubundið nám við með sínum frumlegu verkefnum og ritgerðum.
Get ekki beðið eftir næsta tíma á mánudaginn svo ég geti skrópað og sofið út.

2006-03-20T16:05:00.000Z

Er ég sá eini sem tek alltaf stuttbuxurnar út úr fataskápnum og skelli mér í þær og kíki svo til veðurs?
Það er alveg að koma sumar en eins og venjulega kemur svona þokukuldarigningasnjókomubull!
Er að spá í að mæta bara í stuttbuxum og með sólgleraugu næsta mánudag og láta mig bara hafa það ef það frís undan mér.

2006-03-18T22:44:00.000Z

Attack of the killer parrot.
Ég og Guðný kíktum í Dýraríkið í dag og ég gerðist svo frakkur að hleypa páfagauk upp á öxlina á mér. Í fyrstu var það mjög skemmtilegt og hann svona sniffaði af eyranu á mér en svo vildi hann fá að smakka gleraugun mín þannig að ég lét þau fljótt hverfa.
Ekkert að því að greyjið skoði gleraugun.
Næst tók hann þá upp á því að reyna að narta í mig og fannst mest spennandi skrítni dökki bletturinn á hálsinum á mér...svokallaður fæðingarblettur.
Eins og oft vill verða með fæðingabletti þá vildi hann ekki losna svo auðveldlega en páfagaukurinn gafst ekki upp og hélt hann áfram að reyna að gogga hann af hálsinum á mér.
Á meðan reyndi ég að halda kúlinu og leyfa Guðnýju að ná góðri mynd í símann sem tók heila eilífð fyrir mér.
Loks gafst ég upp á skerandi sársaukanum í hálsinum og spurði afgreiðsludömuna pent hvort að það væri ekki einhver mannúðleg leið til að ná þessum fiðurfénaði af öxlinni á mér áður en hann æti mig lifandi.
Hér getið þið séð þessa hryllilegu árás í myndum.

2006-03-15T19:56:00.000Z

Var að borða geðveikt góða pítsu sem Guðný gerði en setti soldið mikið af hvítlauksolíu.
Finnst ég hafa heyrt að til að losna við andfýlu(hvítlaukslykt) sé hægt að borða smá kanil. Þá bara smá, ekki eins og í 70 mínútum.
Er það bara rugl í mér?
Krakkarnir verða líklegast bara að þola andfíluna á morgun.
Það er ekki eins og þau séu ekki vön hinni klassísku kaffi og sígarettu andfýlunni og þar sem ég nota hvorugt þá má ég éta hvítlauk.

2006-03-13T17:29:00.000Z

Þá er fyrsta kennsludeginum lokið hjá manni í þessari tveggja vikna æfingakennslu.
Allt gekk eins og í sögu þó svo einni hafi verið hrint á töfluna og á ruslatunnu og hún svarað fyrir sig með hnefahöggi, einn tekið karate spark á milli herðablaðanna á einum og ein komið úr frímínútum með sprungna vör.
Þetta þykir ekki mikið í þessum bekk.
Spurning um að fjárfesta í stuðbyssu og gefa þeim bara raflost ef þau eru með stæla. Það færi allavega betur með röddina.

2006-03-12T19:54:00.000Z

Skellti mér á fótboltaæfingu í Safamýrinni sem var hressandi þó það væri rigningalegt.
Það er þó eitt sem ég skil ekki.
Það þekkja allir regnstakkana sem allir íþróttamenn eiga sem skrjáfar rosalega í.
Þeir eru vatnsheldir...sviti er vatn.
Ég var rennblautur þegar ég var búin á æfingu en það rigndi ekkert.
Spurning um að muna þetta næst og sleppa þessu b-vítans stakk.

2006-03-11T21:46:00.000Z

Mikið gekk á í undirbúningi fyrir árshátíðina.
Hann Jói Skagfjörð félagi minn skrifaði svo smá samantekt á þessu öllu og sitt álit.
Endilega kíkið á þetta undir færslunni:
Siðlaus árshátíðarnefnd eða móðursjúkir feministar?
Skellið svo inn kommenti ef þið þorið.
Óttinn við feministanna er farinn að minna ískyggilega mikið á nornaveiðarnar forðum eða jafnvel spænska rannsóknarréttinn.
Ef þið þorið ekki þá megið þið kommenta hjá mér í staðinn.
Vonandi verða ekki eins mikil læti út af þessari skopmynda og þessari af spámanninum umtalaða.

Friður sé með yður

2006-03-11T17:58:00.000Z

Skellti mér á árshátíðina í KHÍ og kappinn var heitur!
Hérna er ég að bræða eina myndavélina.

2006-03-11T17:56:00.000Z

Þá er maður bara fluttur hingað.
Vonandi verð ég duglegri að blogga hérna.
Ef ekki þá finn ég einhverja afsökun.